کراچی میں پولیس افسر ڈرائیور سمیت ہلاک

مہر خبررساں ایجنسی نے ایکسپریس کے حوالے سے نقل کیا ہے کہ پاکستان کے شہر کراچی کے علاقہ عزیزآباد میں  مکا چوک پر وہابی دہشت گردوں  کی فائرنگ کے نتیجے میں ڈی ایس پی ٹریفک اوران کا ڈرائیور ہلاک ہوگئے۔اطلاعات کے مطابق کراچی کے علاقے عزیز آباد کے قریب مکا چوک پرموٹر سائیکل پرسوار وہابی دہشت گردوں  نے ڈی ایس پی ٹریفک کریم آباد محمد حنیف کی موبائل پرفائرنگ کی، جس کے نتیجے میں ڈی ایس پی ٹریفک موقع پرہی ہلاک  جب کہ ڈرائیورسلطان زخمی ہوگیا۔واقعے کے فوری بعد امدادی ٹیمیں جائے وقوعہ پہنچیں اورزخمی ڈرائیورسلطان کو اسپتال منتقل کیا جہاں وہ زخموں کی تاب نہ لاتے ہوئے ہلاک ہوگیا۔ادھر وزیرداخلہ سندھ سہیل انورسیال نے کراچی میں ٹریفک پولیس اہلکاروں کی ٹارگٹ کلنگ پرنوٹس لیتے ہوئے ایڈیشنل آئی جی کراچی سے واقعے کی فوری رپورٹ طلب کرتے ہوئے سکیورٹی ہائی الرٹ رکھنے اوردہشتگردوں کی فوری گرفتاری کا حکم بھی دے دیا۔